Jerryk (William H. Macy) aitaginarrebaren auto-saltokian lan egiten du, eta diru premian dago. Pentsatuta zeuzkan plan guztiek huts egin ostean, bi gaizkilerekin zita egingo du Fargo herrian, eta haiek kontratatuko ditu bere emaztea bahitzeko eta aitaginarrebari erreskatea eskatzeko. Baina gauzak ez dira ondo aterako, eta sekulako sarraskia gertatuko da. Marge Gunderson polizia-buruak (Frances McDormand), zazpi hilabeteko haurdun, ikertuko du kasua tinko eta sen onez.